ℑhenkhawpui

Helai ah hian thinlung dek thawnthu, thu chi hrang hrang kan rawn dah thin dawn a. Phuahtu hrang hrang ten an lo ngaimawh lo turah ngai ila. L al pakhat hian bazara sal zawrhna hmunpui ah chuan nula pakhat, sal dang zawng zawng aia man to bik a awm tih a lo hriat chuan a danglam bikna hriat duhin lal inah a koh tir ta a.          Chu nula chu mahni inringtawk takin Lal hma ah chuan a ding vah a. Lalpa chuan sal dang zingah chutiang ang mizia chu a la hmu ngai hauh lova.. Mak a ti ru ta hle a.         "Eng vanga i man hi to bik viau nge anih?" a han tih chuan "Ka fin bik avangin" a ti mai a.         Lalpa chuan "I finna i chhuang bawk a, zawhna  ka zawt ang che nga.. I chhan dik vek chuan i sal nihna atangin ka chhuah zalen ang che nga. I chhan dik loh chuan tihhlum i ni thung ang" a ti a...           Chu nula chuan amah rawn hruaitu te chu a en a, "Ka thil neih chhun te kha lo fun fel ula, sak...

THENZAWL KHAW CHANCHIN   (Khawtlang inrelbawlna lam) Ṭhen 2-na BMA Ralte Hun hmasa lamah khan Thenzawl khaw chanchin hi kan lo ziak tawh a, khatah khan a khawthleng awmdan leh khawhmun rem tak a nihzia te, a awmna hmun latitude degree leh sea level aṭanga a sanzawng te kan lo ziak tawh a. Tin, tuna a awmna hmuna a awm ṭan hun leh a luah hmasatute nen lam kan ziak tawh bawk a ni. Tun ṭumah hi chuan lal bàn aṭanga khawtlang roreltute leh an hunchhung kan thlûr bing dawn a ni. Thenzawl khua hi engtik kum chiaha din nge tih hi hriat a har tawh a, tunhma chuan tuna a awmna hmarlama awm ṭhin hi a ni a, nimahsela mihring kan lo fing chho ve zel a, khawhmun rem zawk leh inkalpawhna ṭha leh awlsam zawkte kan lo bawh zel bawk a, chutichuan sorkar hmalakna nen tuna a khaw hmunah hian kan lo insawn zo ta a ni.  Thenzawl khaw lo awp tawh ṭhintu lal kan hriat theihte chu hengte hi an ni:- Thangduta. Bengkhuaia. Kamlova. Lalkhami (Thenzawl lal Kamlova nupui a ni a, a pasal a boral avang...

UN GENERAL ASSEMBLY-A DR. S. JAISHANKAR THUSAWI ROPUI CHU..!  Pi leh pu zahawm te u, Bharat mipuite hmingin “Namaskar” vek ule.  UNO din a nih atanga kum 80-naah kan inhmukhawm leh ta chu a ni a. UN Charter chuan indona ven mai ni lovin, remna siam turin min ngen a;  dikna humhim tur mai ni lovin mihring zahawmna humhalh tlat tur pawhin min ti a ni.   Thlah lo la awm zel turte chuan dikna, hmasawnna leh zalenna nghet tak awmna khawvel an lo rochun theih nan kan chaknate nen ṭangruala ṭhenawm ṭha tak anga ding tlat turin min fuih a ni. UN din a nih aṭanga history-in a hrinchhuah thil hrang hrangte chuan he pawl hi hma a sawn tir a. Ram chak zawk ten ram chaklo zawkte an awpna a kiang a, khawvel ram hrang hrangte chu mawi takin an theih angin an pâr chhuak ta hlawm a ni. UN member chu a let liin kan pung a, he pawl chanvo leh thuneihna pawh nasa takin a pung a ni. Globalization a lo awm a, UN thiltum chu a lo inthlak danglam lehzual. Climate change chu ram tinte n...

Thenzawl A tuimi leh a peih apiang; khai ngailo, khai ve chak apiang; a hmei a pa, a pui-a-pang tan, Zoram hmun kiltin kiltang aṭang pawhin, mahni chhungkaw tan hun tam seng si lovin, nghakuai i khai teh ang hmiang. Khawnge, mahni chhungte damlo, sangha hring eichak em em te tan pawh i khai teh ang. Family picnic pah te pawh a nei pahfawm ila a ni mai alawm. Khawnge, tlangval tan pawh chhas-te hruaiin, lui pasalṭha mi i nihna kha han lantir teh khai, a nuam dawn a nia aw.... Duh chuan belte te han keng ila, lungthu te siamin, sangha han chhum nghawr det det ila a ni mai alawm le... Α hmun maw??!! Thenzawlah ngei mawle! Khawchhung, National Highway aṭanga 200mtrs vel chauh mawle! Lirthei pawh a lut thei a nia! Mahse Bulldozer chu rawn keng suh, kan luhtir phal lovang che. Engtikah!!!?? 20ᵗʰ & 27ᵗʰ September, 2025 - chhun dar 10:00am aṭanga tlai dar 05:00pm  Please Contact  : Manager 📞:  +918787745067

  MIZO LA DEH DAN Kan  nute rual vel kha chu phai vai siam puan chi hrang hrang khan Mizoram a thlen that loh avangin la deh kha a ṭulna avangin an thiam vek a, la deh thiam lo hmeichhe puitling chin an awm ngai lo.  Hmanlai lehzualah phei chuan thawmhnaw hak tur zawng zawng hi tah chawp vek a ni. Mizoin Rizai kan hriat hmain pawnpui  kan sin ṭhin. Heng zawng zawng hi Nu siam a ni a, nula pawhin heng la deh dan hi an  thiam ngei a ngai. Naupang pawhin an la deh/dek lai kha kan hmu vek chu anih kha. La kung aṭanga la arh an en kha nisaah an pho ṭang a. La mu kha herawt hmangin an her chhuak a, chu chu ni saah an pho leh a, la sai  hmangin chhuat fai takah emaw puan chungah emaw an sai a. See Youtube Hetia an sai hnu hi khap aia sei deuh hian kut zungpui tiat vel hian an ti mum a, chutia la an tih mum chu La chăwn an ti a, la an chăwn sâ chu La tui  an ti. La tui chu Hmui  hmangin La zai  ni turin an kai a, la pua kha la zai ah a lo chang ta ...

THENZAWL KHUAIN SAKEI AN TIHHLUM HRIAT THEIH CHINTE:   ( An tihhlumna hmun, kum leh tihlumtute nen ) BMA Ralte 7. 9. 2025 (Pathian ni) Tunhma aṭangin Thenzawl khua hi Sakei tamna ram nia sawi a ni ṭhin a, Thenzawl Model veng lu-ah thla hmasa Pu Thanzauvate pawh khan an ran vulhte a rawn beihsak ṭhin avangin a um tlãn zing viauva sawi a ni ṭhin. Hetianga Sakei tamna ram ni ta chu thah pawh an that hnem viau awm e. Thenzawl khaw ram chhunga Sakei an tihhlum, kan hriat theih chinte ka han tarlang ang a, heng lo pawh hi a awm mai thei a, hre zawkte kan awm a nih chuan inhrilhhre hreh lo ila. 1.  Kum 1916 kumah Sakei tlákah an titla a, hei hi a thi mai lo va, chutichuan a khaw mipa hovin an zim ta a. Hliam tuar ni mahsela, a lo la chak viau mai ni awm a ni. Chutianga an han luhchilh chuan chu Sakei hliam, thinrim bawk si chuan Pu Dura (a hmingpum hi Khawdura niin ka pa pu/ka pu pa a ni BR)  seh tuma a rawn bei chu Pu Dura chuan a iptepuiah Pangkai rah a lo ak ṭeuh va, chu a Pa...

Peace City for Thenzawl Peace City hming hi a ri a ring ta hle. ZPM party, Pu Lalduhoma kaihhruai sawrkar chuan, an hun bul lam ah an sawi ri feih feih a. Ni .... chuan information kan hmu ta. See.. click

VC PASS HRALH KHAPNA Thenzawl South VC area huam chhunga VC pass in hmun leh huan lo ram lei leh hralh chhawn phal a ni lo a, hralh lui kan lo awm a harsatna a thleng a nih chuan an VC pass cancel sak a ni ang..  Sd/- Secretary, Village Council/Court ,  Thenzawl South . Download:  VC Puitu (pdf)

MPSC Preliminary exam result 2025 Niminpiah a Mizoram Civil Services (Combined Competitive) Preliminary Exam result tihchhuah a ni a. Post awm zawng zawng hi 33 a ni a. Exam beitu hi mi 3,628 niin, an zinga mi 334 te chu inziak tlingin, heng zingah hian Thenzawl tlangval pathum chu an rawn lang ta nawlh mai le!!  Chung tlangval pathumte chu - Gedeon Vanlalhmangaiha S/o Vanlalzawna , Thenzawl Bazar Veng, Jonathan Malsawmtluanga Hnamte S/o Challiandinga Hnamte , Thenzawl Vengthlang , Remruatfela S/o Zolawma , Thenzawl Vengthlang te an ni. Heng tling tharte hian, Rule 3(7) of Mizoram Civil Services-in a sawi angin, September 2, 2025 khian Main Exam bei turin Online in an inziaklut leh phawt ang a. Exam hi Aizawl emaw, Lunglei ah emaw, an duhna zawk zawkah an bei dawn a ni.  Tin, North East Students’ Organisation (NESO) chuan North East States-ah UPSC tling an tlêm tual tual avângin kumin 2025 hian North East State tin aṭangin mi pahnih a sponsor dâwn a, MZP leh NESO tangkawp ch...

THENZAWL KHAW CHANCHIN BMA Ralte           Thenzawl khua hi khaw ṭhang chak tak a ni a, hmun dang aṭanga pem lût pawh an tam a, hetiang hi a nih avang hian Thenzawl mi nisi, Thenzawl chanchin hre thui lo tak takte pawh tunlai ṭhang lo thar zelah  awm theih a ni. Chuvangin chiang zawka mitinin kan hriat theih nan he Thenzawl chanchin hi tlêm ka han ziak ve a ni.            Mizoram khuaah hian Thenzawl aia khaw laili si, hmun rem zau bawk si hi khaw dang pakhatmah a awm lova, a khaw chhung leh kiang vela mual awmte pawh hi mual rem tak tak vek an ni. A khaw awmna hi a laili em avang hian khaw chhak leh thlang velah chauh awm ṭhin nia lang thing leh thei chi hrang hrangte hi an awm thei vek ti ila, kan sawi uar lutuk awm lo ve. Heng thing chi hrang hrang zingah hian 'Thén' thing hi a tam êm êm mai a, tunhma chuan tuna Loṭhazawl hmunte hi Thên thing hmun a ni ṭhin. Hetianga Thên thing a tam avang hian a khaw hming atan pawha chawi ...