Road Protection Squad thuchhuah

Lirthei chevel chungchanga Road Protection Squad, Thenzawl Field Veng Thuchhuah

🚩  Field Veng kawna lirthei che vel a felfai zawkna tur leh accident tam zawk pumpelh a nih theihna tura Field Veng Branch YMA Road Protection Squad ten ruahmanna an siam chu Thenzawl SDO(C) in a enfiah hnuah November ni 25, 2022 khan pawm pui an nih thu a hriattir a, hei vang hian Road Proctection Squad te chuan inkaihruaina an siam chu karleh Thawhtanni, 12ᵗʰ December 2022 aṭanga hman tan tur a ni.

🚩 Road Protection Squad ten ruahmanna an siam dan chuan Lirthei ke li nei chin te chu Mimi Restaurant kawtah te, Pi Malawmi Balu zawrhna leh culvert inkar te, traffice point bul Pisgah Enterpirse dawr kawt atanga MRB thlen hma inkar kawng sir lehlam zawngah te a park theih anga, two wheeler te chu field veng kawn aṭanga police station pan chhohnaah te, K.Lalpara dawr kawtah leh, Bitea 2-wheeler workshop kawtah te a park theih bawk ang. Tidos dawr kawt leh Obeda Auto Inn kawt chu droping zone atan hman tur a ni bawk.

🚩 Kawngpui dunga lirthei park na hmun tur hi rin fel vek a ni a, parking area pawna lirthei dah te chu cheng 100 zel chawitir an ni ang.

🚩 Kawngpui dungah lirthei eng chi mah zan riakin dah phal a nilo va, dah lui an awm chuan cheng 100 atanga 500 thleng chawitir zel tur an ni. Hetihlai hian mikhual, zan riaka kawngpui kama lirthei dah ngai te chuan road protection squad te hnenah in report in zan khatah cheng 100 chawiin an dah thei ang.

🚩 Vantlang tana hnawk turin kawngpui dungah insakna bungrua leh dawr bungrua dah phal a nilo a,  bungrua unload nana hmang te pawhin vantlang tana hnawk reilo thei turin an senghawi leh nghal tur a ni, tih a ni a, bungrua emaw thil dang emaw vantlang tana hnawksak zawnga dah an awm chuan vawi khat mannaah cheng 200 chawi tir an ni anga, an tilui zel a nih chuan cheng 500 thleng chawitir an ni ang.

🚩 Footpath-ah Dawrkai leh howkers ten an thil zawrh te phochhuah phal a ni lova, tilui an awm chuan cheng 100 chawi tira hrem zel an ni ang a. Lirthei silencer ring lutuk te chu man an nih chuan cheng 500 zel chawitir an ni bawk ang.

Tarlan tawh angin Road Protection Squad te hian karleh thawhlehni atangin ruahmanna an siam te hi an kalpui tan dawn a, lirthei che vel a felfai zawk na tur leh accident tam tak pumpelh a nih theihna turin mipui te chu Dan siam te zawm turin an ngen a. Lirthei park na hmun siamah chauh lirthei te hung turin an ngen a ni.

______________________________

TCN Inpuiah Chanchinthar kimchang in tihchhuah thin a ni

PC Muana Sumo ah lo chuang ve ṭhin ta che.