Sangzuala thukhawchang

 Heng a hnuaia thute hi Sangzuala'n ama wall a a dahte an ni a. Zirtir a nei tha hlawm em a, ka rawn suanlut a ni e. ~Ed.

✨KAN MAMAWH VE EM?✨

Naute te hian mak deuhna an nei a..

An mut hian an bula awm leh awm loh hi an hre thei lutuk.

Ka fanu pawh hi...

Han mut ila..

A rawn meng dere a..

Min hmuh loh chuan..

A tal a..țah tum in an nur a..

A awm emaw..a kut emaw..a ke emaw..

Va dek ila..

A tal a reh a..A mu țha leh țhin..

A nun a kalsan hlek te hi a hre lutuk..

Naute pakhat mu chu țah a rawn tum..

A țap țep tawh chu..

Thawm dim te in..

A nu chu..a awm ngheng in a va kun a..

Naute chu..zawi zawi in..

A mu țha leh ta..

Pathian hian...

Kan țah hi a phal ngawt lo..

Mahse...țap ve se...Amah  kan Mamawhna hi ti lang ve se..

Amah hi ngai ve se..a tel lo chuan..tlei thei lo se min țhin..

Mahse...A tel lo hian..

Kan tlei thei lutuk a..

Lalpa hian..Amah hi kan..Mamawh lo em țhin a tin ni.

Thununnate hi min tawh tir a phal țhin ni.

Amah kan Ngaih a..Kan Mamawh theih nan.

Lalpa Ngai a..Mamawhtu te hi..

Mi vannei leh Nihlawh berte an lo ni e.

Amen.🙏

≠============≠

✨ȚHA IN MAWI HLE MAHSE ✨

Kawr mawi tak te..

Kekawr mawi tak pawh ni se..

Kan hak tawk loh a..

Kan ta a nih loh chuan..

A mawi thlawn mai a ni.

Tin, Pheikhawk mawi leh țha tak pawh nise..

Kan bun tawk loh chuan..

Kan tan mawina a tlen chuang lo.

Motor Man to leh Mawi..

Changkang ber pawh ni se..

Kan Ta a nih loh va..

Duh hun hun a hman ve theih loh..

Țhenawm Pa ta hi..

Kan tan a hlu tak tak thei lo.

In leh lo țha le ropui mawi tak pawh ni se..

Kan In a nih loh chuan..

Kan tan a hlu lo.

A mawi leh Ropui zawh pawh leh..

A chhung luh min ti hreh in..

Rualawmna a tipung thei thung si.

Eng ang a..In țha lo pawh nise..Kan In a nih chuan..

Chutah chuan Chawlhna..Hahdamna.. Thlamuanna kan nei thei thung si.

He tiang hian..

Kan Pathian hian engkim a nei a..

Chu chu kan tan a hlu ve em?

Kan Ta a ni ve em?

Lalpa Ringa a Thu Awih tute hi..

Lalpa Ta..A Neih zawng zawng Neitute kan ni si a 

Amen.🙏

≠============≠

✨KA LAL A NI✨

Khawvelah hian lal tam tak an lo piang tawh a..

Chung lal te chu..

Kei Mi sual tan hian hlutna an nei lem lo.

Khawvela lal lo piang tam tak te hi chu..

Ram khat lal an ni țhin a.

Chung lalte chu..

Mi Ropui leh Mi țha te tan chauh an pawimawh in..

An Biak theih in..

An zar an zo țhin.

Chung Khawvel lalte chu..

Mi sual te leh Pachhia,,Rethei te tan chuan..Hlutna ai in..

An chanai ngei ngei pawh ei sak duh..

Hlauhawm an ni fo țhin.

Hla thu mawi leh Ropui tak chuan..

Ti hian a rawn puang chhuak a..

Khawvelah hian lal tam tak an lo piang ta a..

Mahse...Lal Krista ang hi an la piang ngai lo..ti in.

Hle Lal Krisa hi..Kei Mi sual ber  tan hian..

"KA LAL A NI" Si a..

Eng vang in nge ka Lal a nih?

He Pathian Fapa Mal Neihchhun Lal hi chuan..

Hmuntlawm ber lo thlang in..

Mi sualte tan a lo kal leh lo piang a nih tlat vang a ni.Amen.

I Lal a ni ve em?

Kei chu Christmas hi ka tan a hlu em em a..

Ka Lal Pian hun a nih tlat a vang in..

Ka Ngaihlu in..Ka Nghakhlel lo thei lo a ni e.

Kei Mi sual tan a lo kal kal..

Ka Lal Pian Ni a ni si a.

Amen.🙏

≠=============≠

✨A MAN HI PEK ZEL A NGAI✨

Mi tam tak te hian..

Pathian chettir kan tum dan hi chu..

Kan țhelh deuh ni hian a hriat țhin.

Ti hian an sawi țhin a..

Chaw tui ti tak a ei tur hian..Hang khawp a bar a ngai..ti in..

Setan a duh zawng tia a..

Kal te pawh hian..

A Man hi an pek a ngai tho va..

Pathian Țanpuina leh Thuamna chang tur pawh hian..A Man hi pek ve tho a ngai.

A Man pe peih lo..

Phal si lova..

Hlim vak kan tum țhin a..

A theih loh a ni.

Tuar a ngaih pawh tuar ve a..A Man pe ngam si lo va..

A Tihdamna chan kan tum leh ngawt a..

A hrasa țhin a ni e..

Kan Pathian Țanpuina leh Tihdamna..

Thlarau Thianghlim Thuamna dawng tur hian..

Lalpan a Min pek sak tawh hi..

A Tak a chang tur in..

A Man pek ve hi a ngai si a.

Kal san ngai..Harsa tak..Țap chung pawh a..

Kal san a ngai a.

Paih ngai paih a..

Belh ngai belh ve hi a ngai.

Lalpa Țanpuina leh Fa tak nihna chanvo chang ve tur in..

Khawvel Thilte paih in..

Amah Chauh Ring in..

A Thu Awih in..

A Man hi Pe zel ang u.

Kan Lawmna ti zual tutur a ni si a.

Amen.🙏

≠=============≠

✨ENG TIN NGE KAN LO INBUATSAIH VE LE ?✨

Kan Ram hian Kum 5 danah..

Ram Hruai tutur lal kan thlang țhin..

Kum thar hi kan Ram hruai tutur lal thar kan thlan leh hun tur a ni.

Party tin deuhthawte  chuan..

Chu lal thlan hun tur tan chuan an inbuatsaih a..

An lal theih nan a..

Campain nei in..

Sum seng pawh an awm leh nual tawh ngei ang.

Kum 5 chhung lek lal tum vang in..

Nakum a inthlan hun tur a tan..tun a țang in an inbuatsaih tawh.

Nang leh kei hian..

Lal zawng zawng te Lalpa..

Pathian Fapa Mal Neihchhun Isua Krista Pathian..

Kan tan a lo kal tur  hi..

Kan Nghakhlel ve em?

Eng tin nge ka lo Inbuatsaih ve le?

Bikain chei..Kawtlai chei..Thlanmual chei..

In chhung chei..

Thawmhnaw thar..

Thil thar neih tum in..

Mahni Nuam tih zawng tih nan mai em ni?

Kan lo Inbuatsaih ve le?

Pathian Ngaih pawimawh ber..

Ranchaw pekna Thleng..

Kan Thinlung hi chei tel ang u aw..

Chu Kan Thinlungah ngei chuan..

A lo pian a..Lal Piancham dik tak a kan hman theih nan..

Lalpa leh..A Thu chauh Ring in Awih zel ang u..

Chu chu..Kan Thinlung Cheina..

Inbuatsaih Țha ber a ni si a..

Amen.🙏

≠============≠

✨HLIAH TU AWM LEH AWM LOH KAR A HLA✨

Zankhat riak in Leilet phaiah..Buh seng in ka kal ve a.

Khua a dur bawk nen..

Chhum kar a.. Ni lo lang chu..A sa thei hle mai a..

Chhum in Ni a hliah chuan..

Nuam ti tak in kan Thawk thei a. 

Ni hliahtu Chhum a kian chiah chuan...

Kan thawk hlei thei țhin lo..

A chhan chu..

Ni chu,,Sat namen loh in a sa a .

Vau kan bel rawk rawk zel..

He tiang hian...

Pathian hliah khuhna chang leh chang lo tur te pawh hi..

A Insat hleih khawp ang le.

Bible chuan..

Mi tin reng hi..Lalpa hmaah kan la ding dawn a..Mahni chanchin kan la sawi țheuh dawn ti in min hrilh a..

Chu Pa Pathian hmaa kan din hun chuan..

Pathian Fapa Isua Krista hian min din Hliah theih nan..

Isua Krista hi Phatsan lovin..

A Thu Awih in...Ring zel ang u..

Mathaia 10:33 Nimahsela, tu pawh mite hmaa..Mi Phat apiang, ka Pa vana mi hmaah ka Phat ve ang.

Isua Krista hliah khuhna chang tur in..

A tan Rinawm zel ang u.

Anin, Min Dinhliah zel dawn si a.

Amen 🙏

≠=============≠

✨NGAHVEN A NGAI✨

He zawhna hi min zawt a..

Rahabi khan Israel fate kha a lo hum a..

Dawt a sawi si a..

Pathian hian a ngaidam tho em ni?

Ti in..

Josua 2:9 chu mite hnenah chuan, “He ram hi Lalpan a pe tawh che u a.

Josua 2:12 Chutichuan, hei in chungah hian ka khawngaihzia che u ka lo lantir ta a ni a, nangni pawhin ka pa chhungte chungah in khawngaihna chu rawn lantir ve ula,

Rahabi hian Israelte. Pathian in a hruai zia leh..

An Ram ngei pawh,,

An Kutah a pe tawh tih kha a lo hre tlat a..

Chu ti chuan..Pathian lamah a lo țang a..

Chu vang chuan..a chhungte nen an lo him pha ta a ni.

Pathian hian..Kan Tih chhan..Eng rilru pu a ti nge kan nih tih hi a ngaih pawimawh ber a ni a.

Rahabi hian Pathian mite..

Leh An Ram lak dan..

Kha a lo Ngaihven a..

Lalpan a hruai tih a lo hriat avang in.

A chhungte nen an lo him phah ta..

Zawk a ni.

Ngang leh kei pawh hian..

Kan Ram..Khawvel inlumleh dan hi..

Bible nen. En in ngaihven ve ang u..

Khawngaihna hun hawn lai hian...

Kan Ngaihven a ngai.

A Tlai lu ta kan tih ve loh nan..

Lalpa leh a Thu hi Ngaihvena, Awih a, Rin hun tak tak a ni e.

Amen.🙏

≠==============≠

✨KAN KAWNG ZAWH DAN HI A INANG VEK DAWN SI LO✨

Hman ni chu.. Ram riak tur in kan in khalh chhuak a..

Kan thleng hla tulh tulh a..

A Kawng a chhe telh telh mai a..

A tir a..Kawngpui nuam tak a kal kha..

Kan Riahna tur hmun kan thlen dawn meuh chu..

Kawng a chhiat tawh em a vangin..

Kan chuanna motor chuan min thlenpui zo lo va..

Ke a kal a ngai ta hial mai.

Kan haw leh lam ve thung. erawh  chu..

Kan Riahna kal san in..

Kan thleng hla tulh tulh a..

Kawng a nuam tulh tulh ve thung a.

Hlim tak in kan In kan thleng ta.

He tiang deuh hian..

Setana Kawng zawh hi..

A tirah chuan a nuam kan ti ve khawp mai..

Mahse..kan Kal thui tulh tulha..Manganna leh Țahna..Lungngaihna.. Hrehawm kan tuar tam tulh tulh țhin.

Pathian Thu Awih a a Kawng zawh tute erawh chu..

A tirah Hrehawm mahse..

An zawh thui tulh tulha a..

Hlimna leh lawmna in min zui thung si.

Kan Kawng zawh hi a inang vek dawn lo..

Setana Thu Awih a..

Nuam tih zawng ang a kal a..

Setana Kawng zawh tute hian..

Chhe tak in a tawp an thleng țhin..

Pathian Thu Awih a..

Nunna kawng zawh tute erawh chuan..

Sam 126:5-6 Mittui tla chunga tuhte chuan hlim takin an at ang. Tap chungin buh chi feh chhuahpui mah sela, A buhphalte kengin hlim takin a lo haw leh ang.

Eng Kawng nge kan zawh ve le?

Țap chung pawn Lalpa Kawng hi zawh ve ang u..

Min hmuak tu hi..

A hlu em dawn si a.

Amen.🙏

≠==============≠

✨MIN LO LAWM VE DAWN SI A✨

World Cup 2022..

Ram 32 ten Cup. Lawmman chawi tum in .

An khel leh ta mup mup mai le..

Infiamna Khawvelah hian..

Team ang te..Ram ang te a.. Intihsiakna  kan nei thin..

Ram hrang hrangte Intihsiak naah hian..

An Ram tan a Lawmman Pakhatna la thei ngat te hi..

An Ram an Thlen hun hian..

A Ram Mipui ten an lo hmuak in,,

An Ram tan a..Lawmman Rawn hawntute hi..

Lawm em em in,,Ropui leh Nasa theihtawpin an lo Lawm in..

An lo Chawimawi țhin..

A chhan chu..An Ram tan..

Theihtawp chhuah in..

An Chakna zawng zawng hmang in..

Thlantla zawih zawih leh..Hah pawh sawi lovin..

An Chauhna leh Natna pawh Thir lovin..

An Ram tana bei in.. Lawmman an La in..

An Ram an Chawimawi a..

An Ram tan Pasaltha an ni tlat..a tin ni.

Ringtute pawh hi..

Leiah Indona Hmachhawn in..

Infiamna Tha bei tute kan  ni a..

He Leiah chuan..Hah leh Natna Tawk in..

Thlantla zawih zawih in..

Neksawrna te..

Hmuhsitnate..

Nuihsawhnate..

Tihduhdahnate..

Tawrhnate..

Tahnate..

Tlaphannate..etc.

Kan Tawk thin..

Mahse..maw..Indona leh Infiamna Tha hi..

Chhel tak a bei in..

Tap Chung pawn..

Buh chi..Pathian Thu hi..

Feh Chhuahpui zel ang u aw..

Kan Ram..Van Khawpui ah hian..

Kan Buhphalte Keng in..

Hnehna Nopui chawi in..

Kan la lut ve ang a..

Leia Lawmman chhe thei hawntute..

An Ram In Ropui leh lawm tak a an lo lawm,,

Ai a..Nasa leh Ropui hian..

Lal zawng zawnga..Lalber,, Ropui ber..

Kan Pathian leh A Vantirhkohte khian..

Min lo Lawm dawn si a..

Chu hun chu Thlir in..

Indona,,Infiamna Tha Hi Chhel tak in Bei zel ang u aw..

Min lo Lawm ve Dawn si a.

Amen.🙏

≠===============≠

✨RIN TUR DIK TAK✨

World Cup chu..

Chak tura Rin kai em em chak lo an awm ta zeuh zeuh mai..

Chu tiang in..

Chak lo tura Rin zawk ten..

Hnehna an chang ta zeuh zeuh bawk..

Hei tak hi Football ti hlu leh ti hmuhnawm tu pakhat a ni kan ti thei ang.

Mihringte hian Kan hma hun tawite pawh kan hriat loh zia leh..

Khawvel thil a..Kan Rinna hoh zia ti langtu pawh a ni thei ang.

Lalpa zahngaihna chang a..A hnen thleng a..

Vankai tur pawh hian..

Kan Rin deuh kai lo..

Kan Rin loh deuh kai tur an awm tih pawh hi..

A dik ngei ang.

Chu tih rual chuan..

Mite pawh in..

A ni hi van a kai loh chuan..

Kai tur an awm chuang lovang ti a..

Mite Rin em em..

Nun Neitu te hi chu an kai ngei bawk ang a..

Mite reng reng pawn..

A ni van a kai chuan..

Kai lo tur an awm nang tia..

An Rin hlawl loh nih hi chu..

Ngaihtuah chu an ti thui deuh nge nge țhin..

Ni e.. Mihringte hi chuan..

Kan Ring dik in..

Ring dik lo fo thin reng a..

Khawvel thil chu engpwh ni rawhse..

A pawimawh ber..

Nunna leh Boralna Thu ah hian..

Rin dik loh theih loh..

Pathian Thu leh..

Pathian Fapa Mal Neihchhun Isua  Krista hi Ring zel ang u..

Kan Ring sual dawn si lo va. 

Amen.🙏

≠=============≠

✨SARUANG✨

Matthaia 24 kan chhiar chuan,,Kan Lal Isua Krista a lo kal leh a hnaih tawh thu..

Ringtute kan lo in peih a..

Kan lo Inrin  theihna tur in..

Kan Thupui tur hi...a lo tlazep ve nawlh mai.

 

Mathaia 24:28 “Khawiah pawh saruang awmna apiangah mulukawlhte pawh an awm khawm ang.

Saruang chuan engmah a sawi thei lova..

Duh leh duh loh pawh a sawi thei lo..

Midang puarna tur a tan a Taksa chu hlan tawp mai a.

Saruang hian entir hrang hrang a nei..

Ti hian in sawi teh ang..

Saruang nih hi a nuam lo a sin...

Tlawm ral raihna..

Thuhnuairawlhna..

Retheihna..Pachhiatna..

Mihringten kan duh loh..

Kawng a ni tlat nia..

Mi dang ten Lalpaa puarna leh hlawkna an neih theih nan a..

Pek khawm nihte a ngai țhin..

Saruang nih hi a Zahthlak  zawnga lak dawn chuan..

A Zahthlak ti pawh in a sawi theih ang.

Mahse...Chu Saruang a awmna a țang chuan..

Pathian Hmangaihna leh Ropuina..

Hmanrua a lo ngaih zia leh..

Midangte Țhat zia a lo lang in..

Kan hmu fiah thung țhin si..

Saruang a țan hi nuam lo hle mahse..

Lalpa Hmangaihna hriatna leh..

Midangten Lalpa a Ro an khawlna leh Malsawmna an dawnna tur a tan..

Saruang nih hi..

Lalpa vang in..

Amen pek ka zir zel nang e. Amen.🙏

≠============≠

✨A TAWPAH ✨

Natna han tawh meuh hi chuan..

Kan Insuma..an Dam deuh va..

A hmaai in kan in sum lo leh a.

Kan Tawk ve thei tih hre reng chung hian..

Kan kal lui a..

A Tawpah.. Lalpa Țanpuina kan Au leh chul a..

Mi dangte Nun kan thlir a..

An Tuhrah țha lo an seng dan kan hmu vek a..

Kan ti lui ve leh tho va..

Tawrh vek tawh hnu..

A Tawpah Lalpa țanpuina kan dil leh a.

Pathian duh loh tih hre reng in..

Dikna leh Rinawmna tel lo vin..

Kan Inla lian a..

Inlak len hnuah..

Ringtu țha tak ang in..

Kohhran kan bel a..

A kul a taiah in hmang in..

Lalpa a chawla..

Thlamuanna tak chang si lo vin..

Chanvo hrang hrang chang in..

Mahni leh mahni kan inbum a..

A Tawpah chuan..

Kan Boral dawn tho si.

Mihring dam chhung hi a rei lo a sin..

2 Petera 3:8 Nimahsela, duh takte u, he thu kam khat hi theihnghilh suh u, Lalpa ngaih chuan ni khat hi kum sangkhat ang a ni a, kum sangkhat pawh ni khat ang a ni, tih hi.

Chatuan Nunna leh Chatuan Boralna in karhlat zia hria in..

A Tawpa Hlau leh Mangang tak a kan awm loh nan..

Lalpa Ring in Dik tak a ti in..

Sual thil hrang hrang lak a..Insum in

Rinawmna um zel in..

Kan Dam țhat lai hian..

Kan Nitin hun hi..

Lalpa tan

Hmang ang u..

A Tawp hi..Hlim leh Lawm tak in kan khar ngei dawn si a.

Amen.🙏

≠==============≠

✨MAHNI LEH MIDANG✨

Thu țha leh hlu tak tak hi..

Ngaithla in..hre fo țhin mahila..

Midangte tih thei leh tih tur a dahna a awm fo țhin..

Thu țha tak tak hi..

Midangte zawm a tan hian kan sawi fo țhin bawk..

Thil hlu leh țha deuh te hi chu..

Mahni tan hian..

Kan Chuh fo zel..

Thung si..

Pathian lawm zawng tak pakhat chu..

Mi dang tan a..Luang chhuak..

Mi dang tan a..Insengso phal te hi an ni.

Solomona kha ti tak a..

Pathian malsawmna a dawna bul chu..

Midang tan a a dil na kha a ni..kan ti thei ang.

Lalpa Thlarau dik tak nei chu...

Mahni tan mai a..

La in a thawk ngai lo va..

A Neih thil te pawh hi..

Midangte tan a luang chhuak țhin.

Setana Duhzawng titu te erawh chu..

Mahni Inhmangaihna hlir a awm in..

Zah pawh dawn lovin..

Mahni tan An duh leh it te hi..

A Ham in an ham buan buan țhin a..

Mahni tan an Nung char char țhin.

Ringtu nuna pawimawh em em pakhat chu..

Mah Inhnek a..

Midangte tan a luan chhuah zel hi a ni.

Amen.🙏

≠===============≠

✨2022 FIFA WORLD CUP ✨

Football khawvela Intihsiak na a an ngaih hlut ber..

World Cup Ram hrang hrang 32 ten, an Inchuh țhin chu an țan leh ta.

A hawnna hun pawh an hmang ropui in..

Hmangtu leh entu mipui pawh an tam narawh e..

He 2022 Fifa World Cup hi..Khawvel Ram zawng zawng deuh thaw hian an en hial awm e.

Infiamna chikhat..

Football inkhel mai mai pawhin..Khawvel Ram hrang hrang in a rual in an thlir thei a nih chuan..

Lei leh van siamtu..

Lalpa Lo kal Ni hi a lo thlen hun chuan..

Khawvel Chhunga awmte hian..

A Rual in kan hre thei dawn khawp mai.

Kum 4 chhung lek Lawmman inchuh tur pawn he ti tak hian..

An inseng in an buatsaih a nia..

Lalpa hnena Lawmman kan dawn tur..

Ral leh chhe ve lo tur hi..

Kan ngaihthah ang tih avan hlauhawm em.

Nang leh kei chuan..

World Cup kan thlir lai hian..

Van a Lawmman kan dawn tur hi hre tel in..

Chu mawlh chu..

Changa hmua..

Dawng ngei tur in..

Lalpa Ring in Thu Awih zel ang u..

Lalpa Lawmna man hi..

Khawvel lawmman zawng zawng belh khawm pawh in a tluk loh..

Teh pawh tehkhin rual loh..

Lawmman hlu ber a ni si a..

Amen.🙏

≠==============≠

✨THUTLUKNA SIAM(5)✨

Israel lal hmasa ber..

Saula chuan..lala siamtu Lalpa thu Awih lo vin..

Thutlukna dik..

Amah duh dan in..

Thutlukna a siama..

Lalpan lal a tan a hnawla..

Chu mai ni lo vin..

A Fa te thlenga lal a tan a ruat chhoh a tum chu..

A hnawl tel ta..

A van pawi em..

Saula thlaktu..Lalpa Ruat Davida pawh chua..

Lalpa Thu lo vin.. Thuthlukna a siam a..

A sipai neih zat a chhiar lui a..

Lalpa thin in a tuar lo..

A hmaah Hremna tur..

Kawngthum chhawp in..

A duh ber pakhat thlang tur in a ti ta..

Davida chuan thlan tur a hre lo..

A mangang tak zet..

Mahse..chu tah tak chuan..

Thutlukna dik a siam ta..

2 Samuela 24:14 “Ka mang a ang hle mai. 

Lalpa kutah Tlu lut phawt mai ila, a zahngaihna chu a nasa hle si a; 

Mihring kutah chuan mi Tluk luhtir lul suh ang che,” a ti a. 

Davida chuan.. Thutlukna dik lo siam tawh mahse..

Tlawmtak in Lalpa hnenah in lamlet in..

Thuthlukna dik a siam leh ta a..

Lalpan a țhatna tur ber in..

A chungah a ti leh ta..Amen.

Saula ang hian..Thuthlukna dik kan lo siam a..

Kan tuar mek pawh a ni thei..

Beidawng mai lovin..

Davida ang hian..

Thuthlukna dik siam leh in..

Tlawmtak in Lalpa hnenah in lamlet in i kir ang u..

Hosea 6:1 “Hawh u, Lalpa hnenah i kir ang u; Min lo pawt sawm tawh na a, min tidam leh dawn si a; Min lo vaw tawh na a, min tuam leh dawn si a..🙏

≠=============≠

✨THUTHLUKNA SIAM (4)✨

Bibleah hian Pathian in Thuthlukna siam theihna a pek...

Hmang dik lo va...

Ralthum ta tam tak an awm a..

Thuthlukna dik lo hmang..

Mahse..Thuthlukna dik hmang leh a..

Tlawmtak a Lalpa hnena tlawm tak a..

Kir leh ta Lalpan a Ngaihdam bul țan țha leh a...

Ropui tak a Lalpa tan a thawk hi an awm bawk.

Joba chu...A Neih zawng zawng Setanan a khawih chhiat sak a..

Amah ngei pawh in..

Natna Rapthlak tak a tuar a..

A Nupui ngei pawh in..

Pathian Sawi chhia a...

Thi daih law law se ti in..

A hmaah Thuthlukna siam tur a pe a.

Mahse..Joba chuan...Adama anga A Nupui hmanga Thuthlukna dik lo a siam ang khan..

Thuthlukna dik lo siam ve lo vin..

Joba 2:10 Mahse, ani chuan a hnenah, 

“Nang hi hmeichhe â tawngin i tawng a nih hi. Eng nge, Pathian hnen ata thil tha kan hmu a, thil tha lo pawh kan hmu lo vang em ni?” a ti a. 

Thuthlukna dik tak siam in..

Pathian hmaah tlawm tak a Kun in..

A in pe ta zawk a..

Setana a khawih chhiat sak zawng zawng chu..

Lalpan a pe let leh ta..

Amen.🙏

≠===============≠

✨THUTHLUKNA SIAM (3)✨

Pathian chuan..

Hmangaihna leh Duhsakna a vang in..

Thuthlukna siam theihna Zalenna nei in min siam a.

Tihluihna tel lova..

Thuthlukna siam thei..

A Thupek Awih leh Awih lo thei tura..

Thuneihna,,Mawhphurna kan nei hi..

Pathian Hmangaihna lan chhuahna a ni tel bawk.

Thuthlukna siam dik leh dik loh hian..

Nghawng chhe tak leh Țha tak a nei țhin a.

Mihring hmasa ber..

Adama chuan chu a Thuneihna,,Chu hmang dik lovin..

Eih loh tur a..Amah Siamtu Pathian Thupek chu..

Awih lo vin..

Thuthlukna dik lo a siam a..

Chu chuan..Khawvel hi Pathian lak a țhen ni in..

Bawhchhiatnaah a tlu ta a.

Chu mai ni lovin..

A thlah zawng zawngte pawh Thihnain min fanchhuak a..

Pathian laka Misual kan lo ni ta.

Thuthlukna dik lo kan siam hian..

Mahni mai ni lovin..

Kan Chhungte..Min Hmangaihtute thleng in..

A ti chhe thei si..

Adam hnuhnung Isua Krista in.. Thuthlukna dik a siam a vang in..

Mi zawng zawng in Ngaihdamna..

Sual lak a ta Zalenna kan changin..

Kan hmu leh ta thung si.

Amen.🙏

≠===============≠

✨THUTHLUKNA SIAM (2)✨

Marin Thuthlukna dik a siam a..

Mi zawng zawng tana ..

Ngaihdamna..Chhandamna..Pathian Fapa Mal Neihchhun Isua Krista a lo piang ta a.

Chu Isua Krista pawh chuan..

A Nu ang chiah in..

Huphurh in Hreh hle mahse..

Mualpho leh Rapthlak tak a..Thi tur in..Thuthlukna siam in..

Keima Thu ni lovin..

Nangma thu thu..

Ni zawk rawh se..

Ti in..

Chu..Ama Duh dan ni lova..

A Pa Thu ang zel a..A chunga thleng tur in..

A Pa Thuthlukna..Amen.

Pe tur in..

Thuthlukna a Siam ta..

Chu Thuthlukna dik a Siamna a vang chuan..

Mi zawng zawng in..

Thupek Awih lohna a vang a..

Mi sual Pathian lak a Thi tawhte chu..

Pathian Ngaihdamna..

Changa Kan Nun theihna kawng a hawng leh ta.

Amen. Halleluiah..

Pathian Thu Awih in..

Amah Ring in..

Thuthlukna dik siam ve ang u.

Kan Damna tur a ni si a.

Amen.🙏

≠==============≠

✨THUTHLUKNA SIAM(1) ✨

Pathian in mihringte ama Anpuia min siamna pakhat pawimawh em em chu..

Thuthlukna siam thei a..min siam hi a ni.

Thuthlukna siam harsa lem lo ah hi chuan..

Thuthlukna siam thei tura min siamtu..

Lalpa Pawimawhna leh Hlutna hi kan hre mawh fo țhin.

Chu..Thuthlukna siam harsa lem lo ah chuan..

Mihringte hi chuan...Kan Tisa chàkna leh duh zawng hian kan siam fo țhin a..

Mahse..Chu chuan Rah țha a chhuah khat in..

Kan tan chhiatna thlentu..

Natna thlentu a ni leh țhin.

Mari hmaa Thuthlukna siam harsa tak..

Ama Nunna ngei pawh in a tuar theihna turah khan..

Mari chuan Thuthlukna dik leh Ropui tak siam in..

Lalpa...I Thu ang zel in ka chungah thleng rawhse..

A ti a..

Chu mi a vang chuan..

Mi zawng zawng tana..

Ngaihdamna..Chhandamna..

Pathian Fapa Mal Neihchhun Isua Krista a lo Piang thei ta.

Amen.🙏

≠===============≠

✨LALPA ERAWH HI CHUAN✨

Khawvel Intihsiak (exam) naah chuan..

An chhan dan a..

An Thiam dan a zir in..

Tling(Pass) leh Tling lo (Fail) an awm țhin.

An Thiamna leh Theihna..

An Inpekna Țhat leh Țhat loh hian..

Kawngro a su em em țhin.

Chu bakah...Tihpuitu leh Sawipuitu țha nei leh nei lo kar a hla em em bawk.

Kan Ramah ngei pawh hian..

Zirna san zawng inang rau rauah hian..

Rethei zawk te tan a..

Sorkhara hna hmuh a har em em lai hian..

A tithei fa chuan an hmu mai zel lawi thung si chu a nih hi maw.. 

Kan Pathian erawh hi chuan..

A hnathawk tur hian..

Kan Thiamna leh Theihna ..

Sawipuitu neih țhat leh țhat loh in awmzia a nei lo..

Amah Rinna leh Thu Awihna..

A tan a inpekna hian Awmzia a nei ber a..

Chu mi hmanga..A hna thawktute erawh chu..

Kan Inpekna phak bak thleng in..

Lalpa erawh hi chuan..

Min Thawhpui in min thawh sak țhin.

Amen.🙏

≠=============≠

✨ȚHA HLE MAHSE✨

Pu Mawia chuan..Mutchhuaka..Mutthluk lohna tur nei țha in ti em em in..

Hmarhcha tai vet vawt thak tak tur hi a ak țat țat mai a.

Mahse a lo Muthlu hlauh mai a...

Mutthluk venna nei țha i intih teh reng nen..

Ti nge i Mutthluk si le?

Ti in an zawt a..

Ti hian a chhang a...

Ka lo ei theihnghilh a..

Ka lo ei hman lo a lawm ti in..a chhang a.

Mutthluk venna Țha tak a neia..Ak reng..

Mahse..A Ei theihnghilh miau si a..

A Muthlu ta si..

He tiang hian..

Pathian in..

Hun hnuhnungah chuan Khawvelah hian..

Sual a la pun tur thu min hrilh a..

Sual a pung mek zel a.

Mahse chu Sual leh A hnathawhna lak a ta kan inven a..Kan him theih nan..

Sual lak a Invenna Țha ber..

A Fapa Mal Neihchhun Isua Krista min pe a..

Kan lo Theihnghilh in..

Kan lo ei hman lo ve ang tih hi a van Hlauhawm em..

Khawvel Sual pung zelah hian..

Kan Invenna..Țha ber...

Kan Himna Isua Krista hi..

Theihnghilh lo tur in..

Tuna țang hian..

Ring in A Thu Awih hram hram ang u.

Amen.🙏

≠=============≠

✨A TAWPAH CHUAN (4)✨

Hla Thu pakhat chuan..

Krista Ka Rin a chin..

Harsatna ka tawk zual a..

Angaihna ka hre lo..

Eng vang nge ni ang..

Ka Ding leh Vei a miten..

Malsawmna an dawng țhin.. e Nitin in..

I Hming lam tu erawh an si lo ka ti țhin..

Ti in..

Ani ti ru..Khawvelah hi chuan..

Lalpa țihna a vang a..

Dik tak a ti te ai chuan..

Dik lo deuh pawh ni se..

Ti ve mai duh..La ve mai hreh lo te zawk hi..

Malsawmna dawng ang hian an lang țhin..

Mahse...maw..Lalpa pek leh A Malsawmna ni lo va..

Nei te hi..Rei an ding ngai lo..

A tawpah chuan chu an tih dik loh chuan țhing let..

Eiraltu siam in..an ral leh thuai țhin..

Joba 8:5-7 Pathian i zawn ngat ngata, Engkimtitheia hnena i dil ngat ngat chuan, Thianghlim leh ngil i nih chuan I tan bengvar a thawh ngei ang a, Dinhmun dik a pe ang che. 

I Bul lamah te mah la, 

I Tawp lamah i lian ang.

Kan Pathian in a ngaihpawimawh leh Duh ber pakhat chu..

1 Timothea 2:4 Ani chuan mi zawng zawng chhandama awmah leh thutak hriaah a duh a ni.

Kan bul țan na chu eng dinhmun pawh nise..

A lian emaw a Te emaw..

A Tawp lama Te(Boral)ni lo..

 A Tawp lama Lian(Nunna) changtu kan nih theih nan..

Lalpa chauh hi..

A Tawp Lian tak a min siam theitu a ni tih hria in..Amah chauh Bél in..

A Thu Awih in Zawm zel ang u.

Amen.🙏

≠==============≠

✨ENG KAWNG  NGE KAN ZAWH VE LE?✨

Setana kawng hi chu..

Kal Țan tirh chuan a Nuam in zawh pawh a châkawm țhin..

Mahse..Kan zawh thui telh telh a..

A Kawng chu a chhe telh telh a..

A kawng a chhiat zel a vang in..

An Chau telh telh a..

A Tawpah phei chuan..

Kal zel thei lo vin..

An Thi in..An Boral ta țhin..

Thufingte 7:25-27 I thinlungin a Kawngte chu awn suh sela, 

A kawngahte chuan kal bo suh. 

Mi tam tak a hliam a, A ni, a thahte chu tam tak an ni. 

A in chu Seol Kawng a ni a, Thihna pindan a zuk chhun a.

Chu Kawng zawh a...

Thi a..Boral ta..tam tak an awm tawh a..

An la awm mek a..

An la awm zel dawn.

Pathian Kawng ve thung erawh chu..

Zawh țan tirh lam hi a kawng a nuam lo va..

Mahse..Zawh hram hram ila..A Kawng hi a lo Nuam telh telh a..

Kan Kal thui zel a..

A zawh Nawm leh Thlamuan,,Hlimawm zia..kan hmu zel a..

Hlim leh Lawm tak in..

Thlamuanna chang chung in..

Kan Zawh zel ang a..

 

A Kawng tawpah..

Chatuan Nunna..

Chu kan Thleng dawn si a.

Sam 126:5-6 Mittui tla chunga tuhte chuan hlim takin an at ang. 

Țap chungin buh chi feh chhuahpui mah sela, 

A buhphalte kengin hlim takin a lo haw leh ang.

Amen.🙏

≠==================≠