Tlangval Huaisen - Vanlalfela

Chawimawina ropui - National Bravery Awardee, Vanlalfela s/o Rinthanga, Thenzawl

Vanlalfela

Tunah hian Delhi ah awm mek in, Republic Day ah hlan a ni a dawn e.

Vanlalfela (Venghlun) hi Kum 2 vel liamta khan a pa Rinthanga nen, ram chhuak in, a pa chu kham ah a lum ta hlauh mai a, hetih lai hian vanlalfela hi kum 10 mi a ni. A pa lum chu zu bawisawm nghalin, kham ah chuan a chhuk thla a, a pa hi a kal theih mai loh avangin, khua lamah midang zu pun tur in a kal a ni. Kawng hla tak ah, kum 10 mi lekina a thiltih hi, sawi chuan sawi thiam a har viau mai. Ngaihtuah ringawt chuan kum 10 mi lek tan chuan chi-ai na tham te pawh a ni ve a ni. 

A pa lumna hi Lungrang kham, kham ṭên awih chhe tai mai a ni a. Mahse a pa thlahthlam bik loin, chutah chuan zu chhuk in a pa che thei tawh lo chu, hmun rem ah a theih ang tawk a dah fel in, khaw lam ah zualko tur in a tlan haw vang vang a, in a thlen phei chuan hah lutuk avanga biak harsa khawp in a awm a. Mahse a chetsual na hmun ak hi midang in an hriatchian loh si avang in, hah pawh sawithei lovin midang a hruai lehnghal thei a ni.

A pa lumna a zuk kal tur hian puitling tan pawh kal harsa tak leh lum hlauhawm lutuk mai a ni a. A zawn ah a chhuk theih loh va, a sir atangin kham pangah kal a ngai a. An kalna, ram ngaw kal ngai chin ringawt pawh hi a thui tham em em a. Naupang, kum 10 mi vel thil tih ah chuan a ropui in a huaisen thlak hle bawk a ni.