I humhalh ang u

Sangha humhalh lam i sawi daih teh ang aw...

Kan luidungte humhalh hi a va han ṭul ta em! Humhalhloh aia humhalh hi a that zawkna chu kei aiin in hre daih zawk ang a. Hetia humhalh mang lo va kan awm chhung hian, kan tlai mai dawnin a lang tlat mai!

Lui thenkhat chu humhalh hming puin veng thenkhat ten hma kan han la ve a. Amaherawhchu  he hum-halhna dan erawh hi chu palzut duh tan chuan a palzut nawk nawk theih si; a hming chauhva humhalh kan ang ber mai.

Theih nise, kan Tlawng dung hi a khawtlang huap hian humhalh ta ila chuan, tun ai hian awmzia a nei zawk angem? Heti hian ti ta ila...

Vengtu neiin..

Vengtu tur hi thlakhata cheng sing tling lovin, a lui awmzia hre tak tur ngei mai kha han inchhawr ta ila. Kumkhatah thla 3/4 vel bak inchhawr a ngaiin a rinawm loh va. Hei hian Lau lui, Tuihnial lui leh lui danga te chu a rawn chawmchho em emin a rinawm bawk si. Entirnan - Joint YMA hian hma lain, branch tin hian budget ang deuhvin han thawhkhawm ta liam liam zel ila, thla 3/4 vel chhung kan thawhkhawm theih chuan awlsam takin kan lui te hi him tha takin kan humhalh theiin a rinawm.

Kan lui kal mite tan tak hian a hlu lehzual dawn em mai a. Chu chu he kan khua a sangha lama kan intodelhna tur awlsam tak niin a lang. 

I ngaihdan han comment ve teh le...