MIZO PUANIN GI TAG A NEI VE TA

MIZO PUANIN GI TAG A NEI VE TA

Mizo puan 5; ie

1. Puanchei, 
2. Hmarâm, 
3. Ngotekherh, 
4. Pawndum leh 
5. Tawlhlohpuante chu Mizo ta a nih chhinchhiahna, (GI tag) nei an lo ni ve ta. 

Hei vang hian Art & Culture Dept. Mizoram chuan hman dan leh khuahkhirhna dan a siam ta. 

Hei hi kan lo hriat a kan zawm tlan theih nan a hnuaiah hian  tarlan a ni e.

1. Puanchei:

Hman phalnate:

Kut ni vangthla, Inneihna leh Hlim nite, Pipu Zai leh Lamah te. Tin, thil danga a zethlante hman anih pawhin a zethlan size erawh technical specification ang zawm tur a ni ang.

Hman phallohna: 

Ruang khuh nan, Dawhkan leh Khum khuh nan leh parda atan, Stage, Lectern leh Bang chei nan.

Puanchei hi puan ang ngau ngau chuan a chunga mite tan hian hman phal a ni lova, amaherawh chu a zethlan hrang hrangte erawh khap a ni lem lo.

2. Pawndum:

Hman phalnate: 

Kut ni vangthla, Chhiatni leh Lungngaihni-ah, Ruang khuh nan, Pipute Zai leh Lamah te. Tin, thil danga a design hman anih pawhin a zia te hi  technical specification ang zawm tur a ni.

Hman phallohna:

Khualṭha thilpek atan, Pawndum hi hlim leh lawm niah leklam tur a ni lo. Dawhkan leh Khum khuh nan leh parda atan, Stage, Lectern leh Bang chei nan. 

Pawndum hi a  puan ang ngau ngau chuan a chunga mite tan hian hman phal a ni lova, amaherawhchu a design-te erawh khap a ni lem lo.

3. Tawlhlohpuan:

Hman phalnate:

Kut ni vangthla, Mihuaisen leh hlawhtlingte chawimawi nan, Thil tha lamah, Pipute Zai leh Lamah, Infuih leh incho phur nan, thildanga a design hman anih pawhin a zia te hi technical specification ang zawm tur a ni.

Hman phallohna:

Ruang khuh nan, Chawimawi phu tak ni lote hnenah chuan hlan loh tur. Dawhkan leh Khum khuh nan leh parda atan, Stage, Lectern leh Bang chei nan. 

Tawlhlohpuan hi a puan ang ngau chuan a chung a mite tan hian hman phal a ni lova, amaherawh chu a design te erawh khap a ni lem lo.

4. Ngotekherh:

Hman phalnate:

Kut ni vangthla, Thil ṭha lamah leh Hlimniah, Pipute Zai leh Lamah. Thildanga a design hman anih pawhin a zia leh hruihte hi technical specification ang zawm tur a ni.

Hman phallohna:

Ruang khuh nan, Dawhkan/ Khum khuh nan leh parda atan. Stage, Lectern leh Bang chei nan.

 Ngotekherh hi a puan ang ngau ngau chuan a chunga mite tan hian hman phal a ni lova, amaherawhchu a design-te erawh hman khap a ni lem lo.

5. Hmarâm:

Hman phalnate:

Kut ni Vangthla, Thil ṭha lamah, Pipute Zai leh Lamah, Puan silh atan tah anih pawhin a zethlan, Disul/Lenbuangṭhuam/Kawkpuizikzial te hman tur a ni ang. A zethlan pianziate erawh technical specification zawm tur a ni ang.

Hman phallohna:

Ruang khuh nan, Dawhkan / Khum khuh nan leh parda atan, Stage, Lectern leh Bang chei nan. 

Hmarâm hi a puan ang ngau ngau chuan a chunga mite tan hian hman phal a ni lova, amaherawh chu a zethlan te erawh hman khap a ni lem lo.