Final Electoral Roll 2023

FINAL E. ROLL 2023

Thenzawl, the 4ᵗʰ October, 2023 : 

Mizoram pumah tun thla ni 1-a kum tling chinte chhinchhiahna Special Summary Revision of Photo Electoral Rolls, 2023 neih a ni a, vawiin khan Final Roll tarchhhuah niin Mizoramah vote nei mi nuai 8 sing 5 sang 1895 an awm a ni.

Final Electoral Roll-ah hian mipa voter aia hmeichhe voter an tam zawk a, hmeichhe voter hi si 25,956-in an tam zawk a, Hmeichhe voter zawng zawng 4,38,925 an awm a, mipa vote nei 4,12,969 an awm thung. Kum 2018-a state assembly inthlanpui neiha electoral roll hman tawh nen khaikhin chuan vote nei zat hi 83714-in an pung a ni.

He electoral roll hi member 40 awmna state Assembly inthlanpui neih tur atan hman a ni dawn tih Election Department hotute chuan an sawi a, tlangzarh hnua vote nei thar te erawh final publication hnuah pawh ziah luh theih an ni a ti bawk.

1. Aizawl District ah chuan Voter 2,86,907 awmin mipa 1,34,249 leh hmeichhia 1,52,558 an ni a,  mipa aia hmeichhia an tamna chu 18,309 a ni.
2. Lunglei ah chuan voter 1,00,136 awmin; mipa 49,644 an awm a, hmeichhia voter 50,491 an awm a ni.
3. Siaha ah chuan voter 4,489 an awm bawk
4. Champhai ah chuan voter 57,180 an awm a, mipa 27,880 awmin hmeichhia 29,300 an awm bawk a ni.
5. Kolasib ah chuan voter 63462 an awm a, hmeichhia 32,859 awmin mipa 30,603 an awm a ni.
6. Serchhip ah chuan voter 54,152 an awm a, mipa 26,265 leh hmeichhia 27,887 an awm.
7. Lawngtlai ah chuan voter 91,439 awmin; hmeichhia 45,754 an awm a, mipa 45,685 an awm thung a ni.
8. Mamit ah chuan voter 64,787 an awm a, hmeichhia 32,064 awmin mipa 32,723 an awm bawk.

Tun dinhmunah Mizoramah Service Voters Mipa 4884 leh Hmeichhia 89 awmin a vaiin 4973 an awm mek a, Mizoram pumah Polling Station 1276 a awm mek a ni.

Election Department hotute sawi danin special summary revision neih chhungin Bru mi leh sa Tripura state a in bengbel nghet tawh mi 6,239 te chu Mizoram electoral roll atangin paih an ni a ti a, heti hian Bru mi leh sa paih zawng zawng chu mi 11,997 an ni tih an sawi bawk.