Sawhthing Chin tumte tan
Sawhthing chin ve i tum anih chuan lo chhiar ve teh...
.jpeg)
Ka chhut let vang vang a, Sawhthing hi kum 25 zet kan lo ching zawmzat ta reng mai. A rate awmloh kum a chetchhiat fefe lah kan nei. Mahse tunhnai chho kum li nga vel ah hian, Kg khat cheng 25 em pawh a hralh loh kan nei meuh ta lo. Tun hnai kumthum chhung vel phei chu, Cheng 60 chuang te, 128 lai te'n kan hralh chho ta. Tunah hian kan khua, Maite khua ah ₹69 leh duli a ni mek a ni.
'Marawhchu, Vaibuh ringa nun kumtluan ka hreh em avang hian, Zobuh kham neih loh ka hlau si a, Buh khamkhawp hmun ka neih ziah bak ah, a penhleh ah sawhthing piaisa bag 35 ka lin kha ka chin tam ber kum a la ni. A tam duh em em mai a, a hri ṭha tawk lo vang ten a tak ṭha tawk lo fo bawk a ni.
A tam ven nan a kan hman ber ṭhin chu, REDOMIlGOLD Damdawi sarang a pack a ni. Hetiang hman nachang kan hriat hnu kum 7 vel lai chu, Sawhthing tam hre mumal lo in kan ching ve thei ta.
A chi chiah dan.....
A damdawi kha sawhthing bag khat leng leh a pil theih na tawk vel a chiah na tur a tui kan khuah or dah tlin sa ah kan chawk ral a, Sawhthing kan piai thlak hlim kha, Ip ah kan khung zel a, ip khat bawr anih hian kan chiah a, Minute 15 tal kan chiah ṭhin. Darkar khat lai te kan chiah ṭum a awm bawk a ni. Kan chiahsa kha ip dang ah kan ruak emaw, Kan dahṭha zel a, Nisa ah dah loh tur a ni. Darkar 12 tal daihlim ah awm se kan duh ṭhin....
Mi tamtak ten Sawhthing chin in tum niin ka hria a, Ka han share ve mai mai cheu ni teh se..
A ṭhat duhna ram chu - Maupui ramchang hmun ah te, Lei dur lampang deuh ah te, Lungṭhil tereuhte te in a pawlh lei dum lam ah te, Ramchang lam lei dur ṭha ah te a ni deuh ber. Engpawh ni se sawhthing hian Lei kang na a mamawh in a tak duh bik hle a ni. Tunlai thiamna hmang a ansiam thlai enkawl ṭhat na hrang hrang hi a tak ṭhat nan a ngeih hle niin an sawi, kei erawh in ka la hmang ve lemlo thung.
A chi piaisa hi dahrei dawn phei chuan, Nisa ah dah hauh loh a ṭha ber. A vuai sawng in laktlak loh a tam duh bik hle a ni.
Source : FB
Comments
Post a Comment