Faina Hnatlang Neih a ni

FAINA HNATLANG NEIH A NI

Vawiin Jun 6, 2024 hian Vantawng Group YMA leh Joint YMA Executive-te hmalaknain, Thenzawl khawchhung Lau lui thenfai hnatlang neih a ni a. YMA member thawkchhuak an ṭha hle.

Hnatlang thawkchhuak hi mi 500 vel niin, branch hrang hrang aṭanga rawn chhuak khawm an ni a. Lau luidung, zin mite hmuha lang thei chin chu hnatlangte hian an tifai hman a. Executive Committee chuan hnatlanga thawkchhuak te hnenah lawmthu an sawi a. Chubakah a paihfaina atan a lirthei rawn thawhchhuahpui te, hnatlang eitur atana sumfai rawn thawhtu East VC te chungah leh, hmanraw ṭangkai tak mai kutkawr rawn thawhtu CODNERC chungah te, an sawmna anga tualchhung High School zirlai thawkchhuak zawng zawngte chungah pawh lawmthu an sawi tak meuh meuh a ni.

He Lau lui hi YMA lamte chuan enkawl chhunzawm zel an tum niin thu lan dawng a. Septic tank lo sah ṭhinte leh bawlhhlawh lo paih ṭhin te pawh paih tawhlo turin an beisei hle a. Khawtlang neitu Village Council ten faina kawnga hma an lakna pawh theihtawp a thawhpui zel an tum a ni.

Lau lui ṭawp lutuk mai hi khawtlang hmangaihtu tam tak ten an auchhuahpui nasa hle ṭhin a. Auchhuah ringawt hian faina a thlen hleihtheihloh avangin heti hian YMA lamte pawhin hma an la ta anih a rinawm a. Khawtlang mipuite pawhin kan ngaihmawh a hun tak zet a ni tih hei hian a tilang chiang hle a. Hnawmhnawk lo paih ṭhinte pawh endan chin tawk kan neihthiam a ṭul ta hle niin a lang.