Press Release

 YOUNG MIZO ASSOCIATION : BAZAR BRANCH, DINTHAR WELFARE & BAZAR WELFARE

JOINT PRESS RELEASE

Dated : Thenzawl

the 24th June, 2024

Tahrik 24 June, 2024 (Thawhleh) zan khan Bazar Branch YMA leh a huamchhunga Welfare pahnih Dinthar leh Bazar Welfare OB te nen a Joint Committee thuchhuak angin Vengchhung faina chungchang leh Ruihhlo do chungchangah Vengchhung Inkohkhawm hun Joint YMA Hall, Bazar Vengah a nei a. Bazar Branch huamchhunga chhungkaw 300 chuang atangin chhungkaw 250 vel kan kal thei a, Joint Committee chuan lawmthu a sawi takmeuh a ni. 

Bazar Branch YMA huamchhunga Mipui kalkhawmte hian Branch chhungah ruihhlo do hna chak taka thawh anih theihnan Resolution passed in, "Bazar Branch YMA huamchhung a ruihhlo lo hluar zel hi ṭha kan ti lo a, keini mipui ten a tawp thlengin kan  do zel dawn a ni." tih chu  passed a ni. 

Tin, ruihhlo dona kawnga chak zawka hmalak a nih theihna turin ruahmanna hrang hrang a siam bawk :-

1. Bazar Branch YMA huamchhunga ruihhlo tih leh tih tum a fuankhawm phal a ni lo a, tilui kan awm anih chuan an chungah engpawh thleng se an sawibuai thei lovang.

2. Bazar Branch YMA huamchhunga Ruihhlo zuar ni a hriat leh rinhlelhte hi ti tawh lo tura ngenna leh hriattirna lehkha pek nise kan ti a, tilui an awm anih chuan YMA leh Welfare in a ensan ang.

3. Bazar Branch YMA huamchhungah chak zawka ruihhlo do hnathawh anih theih nan "Bazar Branch Defence Force" din nise tih  a ni a. Branch YMA OB te Welfare OB ten lo din se, an nih ruahmanna siamin hma lo la thin se kan ti.

4. Bazar Branch YMA huamchhunga ruihhlo zuar ni a hriatte report na tur siam nise kan ti.

Tin, heng bakah hian vengchhung a lo fai a, a lo thianghlim zawk theihna atan hetiang hian ruahmanna siam a ni bawk :-

1. Bazar Branch huamchhungah bawlhhlawh hal phal a ni lo.

2. Bazar Branch huamchhunga lui kawr te tihfai thin nise kan ti.

3. Bazar Branch huamchhung a chhungtin ten mahni in leh a vel kan tihfai thin bakah Vantlang ram leh hmun awl laite chu chhungtin ten chan insem a tihfai thin nise kan ti.

4. Bazar Branch huamchhunga chhungtin ten mahni Septic tank te lui kawrah emaw remchang laia chhuah phal a ni lo.

5. Bazar Branch huamchhung a lo fai a a lo thianghlim zawk nan Bazar Branch Sanitation Committee din tha kan ti a, YMA leh Welfare OB ten hma lo la se, Committee hi lo din se kan ti.

          Sd/-

(V.LALREMRUATA) 

      Secretary

  Bazar Welfare

         Sd/-

(LALTHAZUALA) 

      Secretary

Young Mizo Association

Bazar Branch, Thenzawl.

             Sd/-

(C.LALDINGNGHETA) 

       Secretary

   Dinthar Welfare