BDF Ngenna

BAZAR DEFENCE FORCE : THENZAWL

NGENNA 

&

HRIATTIRNA

Bazar Branch YMA huamchhunga mipuite kalkhawmin Vengchhung a ruihhlo do tura a din Bazar Defence Force chuan Vengchhung mipuite nen tangrualin ruihhlo do hna a thawk mek a, hmasawnna tam tak hmuh tur a awm niin a hriat a, a lawmawm kan ti hle a ni. 

Chutihrualin, kan huamchhung mi bakah Veng dang aṭang pawhin ruihhlo (zu, damdawi, leh a dangte) ti tur leh lei tur rawn kal kan awm leh ṭhin erawh pawi kan tiin ṭha lo kan ti hle a. Hetianga ruihhlo ti tur leh lei turte hi  Bazar Branch YMA huamchhungah lo kal tawhlo turin kan inngenin kan inhriattir a. Kan ngenna zawmlo a tilui kan awm a, ruihhlo ti tur leh lei tura Bazar Branch huamchhunga lo kal kan awm a nih chuan, kan zu lei fun khat lek emaw damdawi tlemte emaw ruihhlo eng chi pawh nise kan in mansak a nih chuan thuneitute hnenah hlan zel tur an ni dawn a, chuvangin; mipuite, Bazar Branch huamchhungah ruihhlo lei tura lo kal tawh lo turin kan inngen tak meuh  a ni. 

Bazar Defence Force- te chuan kan huamchhung hi ruihhlo laka a fihlim theihnan theihtawp kan chhuah zel dawn a, ruihhlo zuarte laka beihpui thlak anih bakah hian tun aia kan fihlim lehzual theihna a nih beiseiin hetiang hian ruihhlo lei tura lo kalte lakah pawh beihpui thlak ve nise a ti a, mipuite pawhin kan hmalaknate hrethiam a, min zawmsak tur leh ṭha taka thawk ho zel turin kan insawm tak meuh meuh a ni e. 

Sd/-

Secretary

Bazar Defence Force.