Zirlai duhawm rual

 Thenzawl, the 29ᵗʰ Jan. 2025

Tunlai ah thangthar te nunze mawi tak tak hmuh tur a awm leh zauh thin a, a lawmawm hle mai. He ze mawi, midang te tana malsawmna nih hi ava han hlu tehlul êm!

Victory English School Class VII zirlai te chuan Jan.25, 2025 khan anmahni remchan ang ang te thawhkhawmin, Pani-puri an siam a. Chu chu a tuk Inrinni zingkar bazarah zuar chhuakin, an sum hmuh ang ang chu class II leh III lama an zirlaipuite pi, damdawiina awm mek chu Thawhtanni school ban hnuah an han hlan a. Chubakah ṭawngṭaina nen hun an hmang thlap mai a, an fakawm tak meuh meuh mai. Anni ang rual thiltihah chuan a ropui hle tihloh rual a ni lo.

Tin, he an thiltih hi a ropui êm avang hian Pi KCI (a hming pum kan sawi phallo) chuan an tan CAKE tui tak mai a rawn siamsak a, zirlaite pawh an hlim hle a ni. (Ani hian a thla lak a duh lo va, ka rawn tarlang talo mai. A hming pawh tarlan a duh chuangin ka ring chiah lo.)

Heng an thiltihte hi Inrinni bazara an teacher-te lakah pawh an zep tlat a. A ruka thilṭha tih duhna thinlung an nei hi a ropui hle mai. Mahni thilṭha tihte an puangzar lo va, an Pa Vana mi chuan alo hmu reng si a ni.

Tin, an thiltih ṭhate lo hriatpui tlattu, Pi KC-i lah nu chhuanawm tak a ni e. A thiltih hian thangthar nun muhil mek hi lo kaitho zel teh se.

An mi kante thusawi

Vawiin Dt. 28/01/2025 hian Victora leh a thiante ka ti mai ang aw (an hming mal mal chuan ka sawi thei mailo) te chuan inrinni zing bazar ah te thil zuar in ka nu damlo (cancer) kanna sum te lo tuak in, min rawn hlan a, kan thinlung a tap a, a lawm bawk a. Anni ang kum rualin hetiang ang hmangaihna rilru an rawn pu hi kan chhungkua hian kan lawm a ni tih lantir nan school grp ah hian ka rawn dah tawp mai. In fate hi an chhuanawm in, an thinlung thianghlim zia hi  hre ve ula ka duh em a ni... An zirna leh an kal zelna tur kawng ah Lalpa'n malsawm vek rawh se tih hi kan tawngtaina ni e.🙏🏻

See Video