VC Thlang Ang Aw...

 VC kan thlang dawn ta!

Inthlang ram kan ni a, kan la inthlang zel turah ngai ila. Inthlan hi khua leh tui tinten kan tihtur a ni a. 'Thlan tur pawh ka hrelo' tia inthlan loh ringawt hi kan tihtur kan ti lo tihna a ni.

Thilmak ve deuh mai chu ; kan khawtlangah...

Ka han thlir vel a, kan khawtlang hi. VC thlang turin kan inpuahchah mup mup a, VC ṭanglai te leh ṭangthar turte pawh campaign in kan veituak chhen hlawm a, a mak ka ti!!

Candidate tharte hi chu an ṭhat tur zia kan la hrelo hlawm a, campaign pawh a ṭul viau mai a. Ṭanglaite campaign a an chhuak ṭhâm ṭhâm hi chu tih ngailoh nimah suh se, a mak riau asin.

An thatzia tihlan nan kum5 zet an thawk tawh a. Mipuiin an hnathawh kan hmu vek a, chuvangin campaign an la mamawh hle hi a mak i ti ve viau lo maw...

Heng a hnuaia mite hi kan thlan turte an nih kha aw. Vote i ti thilo hram ang u. Mahni duhzawng ṭheuh kha aw...

Kan veng bik tan hi chuan vengchhung mi leh sa hi tling ngei se. Anni hi an that viau phei chuan, a lehpek election ah chuan campaign ngailo tur in han awm thei se hi ka tia, tir'u.⁩

(A hnuai ah khuan i ngaihdan han comment ve ta che.)

Enge an sawi! 

VC kan thlang dawn maw, mawlmang te in rilru a thil awm ka'n sawi ve teh ang, 

A kum ka hre tawh lo. A khawpuma Govt ME Schools vote kan thlak thin lai khan vawi khat chu vc kan thlang a. Vote kan thlak zo chu khatih lai a zirtirtu a lo awm zawk inah thingpui inin kan chawl a, tihian min ti.

'In inthlan dan hi a mak ka ti,' a ti a. 'Enge a makna chu,' tia ka zawh chuan ti hian min chhang; Chhungkua kua in in Campaign a, keini chu ka pa hi vawi 3 thlan tlin a ni tawh. Kan chhungkuain vawi khat man kan la vote lo,' a ti.

Vawi khat dang leh-Bus, Serchhip lam atang a Aizawl kan kal thin laiin - vawikhat chu VC thlan dawn hnaih a Bus a kan chuanpui chuan ti hian a sawi bawk, 'Keini khua chu kan buai ve lo. Tun a kan VCP hi din a tum tawh lo na a, 'tun ṭum chauh tal hi chu ṭang leh hram rawh. Nangmahni chhung kaw in haivur nan in hmang ve tawh dawn nia,' tiin kan sawm lui a, a tawpah chuan a pawm ve thei dawn a ni ang. Ani a din leh theih chuan a thawhpuite nen tumah khingtu an awm lovang' a ti.

Khing kan sawi te khi khawtlang tan an tha a ni tihna a ni mai a, khitiang mi chhungte pawhin campaign pui ngai lo mi Thenzawlin kan neih ve hun te hi rawnin her chhuak ve se ka ti thin.