Hmeichhia

(Hun rei tak poetry pangngai ka ziah loh hnuin ka'n ziak thar ve leh rawih e.)

~Chhuanga Ngente

Hmeichhia

Zawrh lai ni si lo,

Man nei bawk si.

A man tur neih pawh a,

Lei mai theih i nih lohna hi,

I hlutna leh i danglam bikna,

Hmeichhia, I hlu a nia.

I man a tlem ti suh la,

I man a tlem hian i hlu zawk a,

A leitun a duh che aiin,

A leitu i duh a pawimawh a,

I man te chu nei mahse,

I thu lova lei mi i ni lo ve.

I man tam ta ang se,

I thu lovin i man itin,

Ran iangin an zuar ang che.

It tham loh man i neih hi,

Duh thlang tura i thuna,

Hmeichhia, i hlu a sin.

I anpui mipa hi han en la,

I iangin man a nei em ni?

Thil hlu chuan man a nei a,

A man tam leh tlem aiin,

A leitu thlinlung a bukna chu,

A hlutna hriltu ber a ni si.

Man nei zing a,

Tlawm hun nei lo,

Man pea leitu pawh,

Tlawma thunun thei,

A leitu aia thu zawk thei,

Hmeichhia, i hlu a sin.

The 15 july 2025

(Pic hi ka dahchawp mai a ni e, a neitu ngaihnobei tak hian huat-ah a la êm lovang chu maw.. Ed.)