Mizo La Deh Dan

 MIZO LA DEH DAN

Kan  nute rual vel kha chu phai vai siam puan chi hrang hrang khan Mizoram a thlen that loh avangin la deh kha a ṭulna avangin an thiam vek a, la deh thiam lo hmeichhe puitling chin an awm ngai lo. 

Hmanlai lehzualah phei chuan thawmhnaw hak tur zawng zawng hi tah chawp vek a ni. Mizoin Rizai kan hriat hmain pawnpui kan sin ṭhin. Heng zawng zawng hi Nu siam a ni a, nula pawhin heng la deh dan hi an  thiam ngei a ngai. Naupang pawhin an la deh/dek lai kha kan hmu vek chu anih kha.

La kung aṭanga la arh an en kha nisaah an pho ṭang a. La mu kha herawt hmangin an her chhuak a, chu chu ni saah an pho leh a, la sai hmangin chhuat fai takah emaw puan chungah emaw an sai a.

See Youtube

Hetia an sai hnu hi khap aia sei deuh hian kut zungpui tiat vel hian an ti mum a, chutia la an tih mum chu La chăwn an ti a, la an chăwn sâ chu La tui an ti. La tui chu Hmui hmangin La zai ni turin an kai a, la pua kha la zai ah a lo chang ta a. He la zai hi chat fei deuh tur leh tah theih a siam turin La dinlek hmangin La duang ah an hlum chhuak leh phawt a. A chahfeina turin la duang chu buh nen an chhum a, a daih hnuah thur chhuakin, Rawlawn ah an zar a, Lakhuih, Ram lakhuih hmangin uluk takin an khuih veka, a ro hnuah La duang khat tiat te tein an dah hrang a. Chu chu Suvel hmangin an hlum leh a, kut tum tiat vêl hian an hlum tlangpui ṭhin. Chu la hlum chu puana tah theih a ni tawh a, puan bu-ah an bang ṭhin.

Hmui