Thenzawl Khaw Chanchin - Inrêlbawlna lam
THENZAWL KHAW CHANCHIN
(Khawtlang inrelbawlna lam)
Ṭhen 2-na
 |
| BMA Ralte |
Hun hmasa lamah khan Thenzawl khaw chanchin hi kan lo ziak tawh a, khatah khan a khawthleng awmdan leh khawhmun rem tak a nihzia te, a awmna hmun latitude degree leh sea level aṭanga a sanzawng te kan lo ziak tawh a. Tin, tuna a awmna hmuna a awm ṭan hun leh a luah hmasatute nen lam kan ziak tawh bawk a ni. Tun ṭumah hi chuan lal bàn aṭanga khawtlang roreltute leh an hunchhung kan thlûr bing dawn a ni.
Thenzawl khua hi engtik kum chiaha din nge tih hi hriat a har tawh a, tunhma chuan tuna a awmna hmarlama awm ṭhin hi a ni a, nimahsela mihring kan lo fing chho ve zel a, khawhmun rem zawk leh inkalpawhna ṭha leh awlsam zawkte kan lo bawh zel bawk a, chutichuan sorkar hmalakna nen tuna a khaw hmunah hian kan lo insawn zo ta a ni.
Thenzawl khaw lo awp tawh ṭhintu lal kan hriat theihte chu hengte hi an ni:-
- Thangduta.
- Bengkhuaia.
- Kamlova.
- Lalkhami (Thenzawl lal Kamlova nupui a ni a, a pasal a boral avangin a aiah a lal a ni)
- Ngurchhina.
Tunhmaa mizo lalte kha an lal em em mai a, thuneihna zawng zawng hi an kutah a awm vek a, a thuneihna chinah chuan tu chungah pawh tihhlum (death sentence) theihna an nei vek a ni. Chutichuan rorelpui tur khawnbawl upa an mamawh zat an nei ṭhin a, Thenzawl lal hnuhnung ber chu Ngurchhina pawh hian khawnbawl upa pariat a nei a, chungte chu:-
- Saihleia.
- Daka (Dakkalkhama)
- Aichhunga.
- Doruma.
- Chalruma.
- Lalbanga.
- Kapṭhuama..
- Darhema.
- Dengkhuma - Lal Thirdeng.
Lal Thirdeng pawh hi an lal ve viau a ni ang, sachhiah pawh an dawng ve hial ṭhin.
Kum 1954-ah lal bàn an lo nih ták avangin Thenzawl lal Ngirchhina pawh a báng a, chutichuan Village Council thlan a lo ni ta a ni.
Chutianga lal bàn an lo nih a, Village Council thlan a lo nih takah chuan 1946 kuma din Mizo Union leh a hnu deuh lawka din Zalen Pawl/Eastern India Tribal Union (EITU) Party pahnihte chuan Village Council thlannaah chuan an chuh dun ta a, Mizo Union Party chuan hnehna changin Thenzawl Village Council hmasa ber chu an kaihruai ta a ni.
Chutichuan Thenzawl Village Council hmasa ber aṭanga vawiin thlenga kan V/C neihdan indawt chu hetiang hi a ni:-
| 1954 - 1957 | |||
|---|---|---|---|
| Darhema | President | ||
| Chawnghminga | Vice President | ||
| Thangchhuana | Secretary | ||
| Kapthuama | Member (Uncontested) | ||
| Lalkhawsiama | Member | ||
| Dengrikhuma | Member, Buangpui | ||
| Chalbuanga | Member, Buangpui | ||
| 1957-1960 | |||
|---|---|---|---|
| Darhema | President | ||
| Chawnghminga | Vice President | ||
| Thangchhuana | Secretary | ||
| Lungmuana | Member | ||
| Thangchhuma | Member | ||
| Ngaihchhunga | Member | ||
| 1960-1963 | |||
|---|---|---|---|
| Vanlalsiama | President | ||
| Tluangchhawna | Vice President | ||
| Thangchhuana | Secretary | ||
| Chalruma | Member | ||
| Paruala | Member | ||
| Lalbiaka | Member | ||
Note: 1960 kum hian Zalen Pawlin sorkarna an siam ve thung.
| 1963-1966 | |||
|---|---|---|---|
| Chawnghminga | President | ||
| Ngaihchhunga | Vice President | ||
| Darzika | Secretary | ||
| Darhema | Member | ||
| Lalthansanga | Member | ||
| Sangkhuma | Member | ||
1968 kumah khua sawikhawm a ni a, Thenzawlah pawh a khaw ṭhenawm, khaw te zawk Buangpui, Neihloh, Kanghmun, Zote'S' leh Lungrang khuate sawikhawm a ni a, chuvangin hemi hnua V/C thlan awm reng rengte chu Grouping V/C tih an ni ta vek a, khua pawh a lo lianin mihring pawh an lo tam ta a, chuvangin V/C pawh tihlen a lo ni ve ta a ni.
| 1966-1970 | |||
|---|---|---|---|
| Chawnghminga | President | ||
| Sangkhuma | Vice President | ||
| Darzika | Secretary | ||
| Kapṭhuama | Member | ||
| Ribuanga | Member | ||
| Darkhuma | Member | ||
| Zahnuna | Member | ||
| Manthanga | Member | ||
| Rochhuma | Member | ||
| Chawimawia | Member | ||
| Zachhunga | Member | ||
| Lalliana | Member | ||
| Ngaihchhinga | Member | ||
<<<<<Part 1>>>>>
AWM ZEL TUR👉
Comments
Post a Comment