JOINT YOUNG MIZO ASSOCIATION THENZAWL

JOINT YOUNG MIZO ASSOCIATION THENZAWL

2026 Kumthar Committee Thu Hriattirna

Ni 10 February 2026 a Joint YMA Kumthar Committee thurel leh kan Inkaihhruaina Dan YMA Branch leh Mipuiten kan lo hriat tlan leh zawm atan a pawimawh zual te a hnuaiah hian kan han tarlang e.

1. Thenzawl Joint YMA hnuaia YMA Branch ten Khawhar In hun hman dan in ang lo chu a in ang tlanga hman rel a ni a. Khawhar In hun hi Zan 3 niin Tlaivarpui ngai te chu Tlaivarpui zan hi YMA Hun zan khatna ah chhiar tur a ni ang.
2. Luidung Humhalh leh Ruihhlo Do chak taka kalpui tum a ni a, hmalakna kengkawh turin Sub Committee din a ni a. Luidung Humhalh chin te la rawn tarlan a ni anga. Sawrkar phal loh hmanga Lui(eng Lui pawh nise)a nungcha te man erawh dan awmsa a nih angin, hriat an nih chuan Action lak a ni ang.
3. Thlanmuala Thlan hmun hauh emaw duhthlan emaw hi phal loh a ni a. Mitthi chhungte Thlan bul awl a awm a ni erawh chuan Thlanmual Incharge / Committee te hriattirin phalsak theih a ni ang. Hlamzuih te pawh Thlanmual a phum tur an nih chuan mahni duh duh na a in phum a rem lova a phumna hmun tur Thlanmual Incharge / Committee te biak rawn ṭhin tur a ni.
4. Thlan hung/siam hi hetiang hian hung/siam ṭhin tur a .A san zawng - 1 ft (a lu   lamah), A dung - 7 ft, A vang - 3 ft, A chung zawlah thir a hung duh tan, a san zawng - 1½ ft a ni ang.
5. Thlan hung turten a bula Thlan lo awm tawhsa te berawn hmasa lovin hung zawm phal a ni lova, Thlan inkar te hnim a ṭo loh nan Cement a zut ṭhin tur a ni.
6. Ruang YMA Branch dang aṭanga lak a nihin a awmna Branch leh a lakna tur Branch te inbiakrem ṭhin tur a nih avangin a rang lamin a la tu turten Branch hruaitute hriattir ṭhin tur a ni.
7. YMA Branch danga insawn turten Pem Lehkha lak tur a ni a, Chhiatni Ṭhatni fund leh member fee kan pek tawh chuan a rin nghal theih a, Pem lehkha ah ziah lan ṭhin tur a ni.
8. YMA Branch Pakhatin a ensan chu Joint YMA huamchhung ah YMA Lehkha engchi mah Branch dang aṭang pawhin pek chhuah theih a ni lo.
9. Joint YMA Hall Bazar Veng a mi chu a awmna Branch Bazar te Incharge a dah a niin a enkawl pawh an kutken tawh dawn a. A hmang duh te pawhin YMA Bazar Branch Secretary ah dil ṭhin tur a ni ang.

Committee ah hian tunhnaiah Kan Mizo Culture in a ken Tlawmngaihna Chhiatni a kan lanchhuah tir ṭhin Thlanlaih ah te kan hnufual ta hle tih sawi chhuah a ni a. Hemi kawngah hian YMA member te ṭang thar tur leh Nu leh Pate pawhin kan fate fuih thar turin kan in ngen a ni.

Sd/-

(RLC LALRINFELA)

Secretary